 |
| Photo Credit: Open Doors |
لاگوس: نائجیریا کی ایک غیر سرکاری تنظیم انٹرسوسائٹی کی تازہ رپورٹ کے مطابق، رواں سال کے پہلے سات ماہ کے دوران نائجیریا میں 7000 سے
زائد مسیحیوں کو قتل کیا گیا ہے۔ یہ ہلاکتیں مذہبی منافرت اور شدت
پسند گروہوں کی کارروائیوں کا نتیجہ ہیں، جن میں بوکو حرام اور فلانی مسلح گروہ
سرفہرست ہیں۔
رپورٹ کے مطابق، نائجیریا کی شمالی اور وسطی
ریاستوں میں مسیحی برادریوں کو منظم حملوں کا نشانہ بنایا جا رہا ہے۔ ان حملوں میں
گرجا گھروں، دیہاتوں اور مسیحی عبادت گاہوں کو نشانہ بنایا گیا، جبکہ خواتین اور
بچوں سمیت بے گناہ شہریوں کو بے رحمی سے قتل کیا گیا۔ رپورٹ میں بتایا گیا کہ 2009
سے بوکو حرام کی بغاوت کے آغاز سے اب تک 125,000 سے زائد مسیحی ہلاک ہو چکے ہیں،
لیکن حالیہ
سات ماہ میں ہلاکتوں کی تعداد میں غیر معمولی اضافہ دیکھا گیا ہے۔ اس رپورٹ میں
کہا گیا کہ مقامی حکام اور قانون نافذ کرنے والے اداروں کی جانب سے ان ہلاکتوں کو
روکنے کے لیے موثر اقدامات نہیں کیے جا رہے۔ رپورٹ میں یہ بھی انکشاف کیا گیا کہ
بعض علاقوں میں مسیحی برادریوں کو ان کے گھروں سے بے دخل کیا جا رہا ہے، جبکہ ان
کے املاک کو تباہ کیا جا رہا ہے۔
عالمی
انسانی حقوق کی تنظیموں نے نائجیریا کی حکومت سے مطالبہ کیا ہے کہ وہ ان ہلاکتوں
کی فوری اور شفاف تحقیقات کرے۔ ہیومن رائٹس واچ نے کہا کہ نائجیریا کی حکومت کو
چاہیے کہ وہ مسیحی برادری کے تحفظ کے لیے فوری اقدامات کرے اور ذمہ داروں کو انصاف
کے کٹہرے میں لائے۔ دوسری جانب، نائجیریا کی حکومت نے ان الزامات پر ردعمل دیتے ہوئے کہا کہ
وہ حالات کو کنٹرول کرنے کی کوشش کر رہی ہے۔ شمالی مشرقی ریاست اداماوا میں
مسیحیوں پر حملوں کے بعد کرفیو نافذ کیا گیا تھا، لیکن مبصرین کا کہنا ہے کہ یہ
اقدامات ناکافی ہیں مسیحی رہنماؤں اور مقامی برادریوں نے عالمی برادری سے اپیل کی
ہے کہ وہ نائجیریا میں جاری اس تشدد کو روکنے کے لیے دباؤ ڈالے۔
ایک مقامی
پادری نے کہا، "ہمارے لوگ خوف کے سائے میں جی رہے ہیں۔ ہر روز ہم اپنے پیاروں
کو کھو رہے ہیں، اور دنیا خاموش تماشائی بنی ہوئی ہے یہ صورتحال نائجیریا میں
مذہبی ہم آہنگی اور سیکیورٹی کے حوالے سے سنگین سوالات اٹھا رہی ہے۔ عالمی برادری
سے مطالبہ کیا جا رہا ہے کہ وہ نائجیریا کی حکومت پر زور دے کہ وہ اس بحران سے
نمٹنے کے لیے ٹھوس اقدامات کرے تاکہ مزید انسانی جانوں کا ضیاع روکا جا سکے